sabato, 01 novembre 2008|'a recita
'A vita è nu teatro
e ognuno fa 'n'attore
appena appena e' nato
le ranno nu cupione
*
e 'a parta soja è chella
nun ce sta' niente 'a fa'
si è brutta oppur'è bella
nun'a po' maje cagna'.
*
E int'a chesta farsa
so' poch'e' primm'attore
'o riesto so' comparse
oppure spettatore,
*
ch'aspettano 'o mumento
e dicere 'a battuta
e 'e vote ce sta' gente
ch'aspetta tutta a' vita.
*
E quann'e' completato
'a parte ch'ive avuto
chi ha rato ,ha rato ha rato
chi ha avuto ha avuto ha avuto.
commenti: commenti (popup) | commenti
sabato, 01 novembre 2008|Amalia Carraturo
'ncopp'alla'altare cinque mazzi 'e fiore
facevano curona 'o Sacramento
mentre 'o lamiento doce 'e 'na preghiera
era 'o sullievo antico a nu turmiento
*
L'urdema tappa songo sempe 'e sante
e cu 'e ginocchie 'ncopp'o marmo scuro
int'a Cappella d'a Madonna Assunta
s'inginocchiaje Amalia Carraturo.
*
E cu 'o Rusario 'e lacreme e preghiere
sfilava lenta tutt'a disperazione
che po' tene' chi è mamma e chi è mugliera
quann'o marito nun se cumporta bbuono.
*
S'era jucato quase tutto cosa
spuglianno a casa d' ogni ben'e Ddio
pure 'o curredo 'e quanno jette sposa
s'era 'mpignato pe chesta malatia.
*
Purtava 'nfaccia 'e piaghe d'o dulore
Facennola pare' assaje cchiù vecchia
che cchiù d'o tiempo cunsuma 'o dispiacere
che scenne int'e canale sott'all'uocchie
*
scavate a tutt'e lacreme chiagnute
sempe int'o scuro e senza nu lamiento
quann'e ccriature s'erano addurmute
pecchè 'e criature n'hanno sape' niente.
*
Chiagneva Amalia e 'o niro d'e capille
parevo o cielo int'a 'na notte scura
'e lacreme 'a scia che fanno 'e stelle
che cadeno cu mille desiderie.
*
E dint'a mente 'e voce d'e cumpagne
-Nun 'o da retta,caccialo d'a casa...
se spenne tutto chello che guaragna
...nun te vo' bene...Lassalo...n'è cosa!-
*
Ascette 'a int'a cchiesa ch'era sera
purtanno 'o peso 'e chi s'abbraccia 'a croce
mettette int'o lietto 'e ddoje criature
e din'e stanze po' stutaje 'a luce.
*
Chiudette 'a porta cu tutt'e tre mandate
lascianno 'a chiave pe dint'a mascatura
cu chella forza 'e chi sta disperate
cercava 'e nun pensa' d'ave' paura.
*
Sunava for'a porta o campaniello
ma chella vota essa n'o 'rapette
guardava d'a fenesta ncielo 'e stelle:
*
p'a primma notte Amalia nun chiagnette.
commenti: commenti (1)(popup) | commenti (1)
all'arte pittorica del mio amico Raffaele Falanga
sabato, 01 novembre 2008|all'arte pittorica del mio amico Raffaele Falanga
quasi tutti abbiamo avuto il piacere di sceglierci gli amici, io, invece, Raffaele me lo sono trovato amico già dalla nascita
e questo è un piccolo omaggio alla sua immensa vena pittorica che ogni tanto partorisce opere indiscutibilmente......
*
*
*
nu viecchio matarazzo abbandunato,
miso 'e travierso affianc'a spazzatura
teneva justo 'o centro 'na pisciata
scappata int'o suonno a 'na criatura.
*
Spiccava ncopp'o bbianco 'a macchia gialla
e attuorno attuorno 'o bordo marroncino
tesseva nu ricamo e po' na molla
'nturzava 'ncopp'o lato 'o trapuntino.
*
La piena padronanza del colore
accentuata da qualche trasparenza
faceva molto simile l'autore
a qualche grande firma d'esperienza
*
cu 'o tummulo 'e munnezza pe' curnice
e pe' visitatore qualche gatto
sai Rafiluccio mio che mi dispiace?
ch'era cchiù bello 'e chello che tu pitti
commenti: commenti (popup) | commenti
percorsi in_versi
le parole in versi di una vita.
Quelle che seguono sono le emozioni che caratterizzano lo scorrere dei miei giorni.
About Me
Ciao, mi chiamo Roberto e come molti di voi che magari giungeranno qui ho la passione della scrittura.
Passione che spesso diventa quasi un'esigenza come un'esigenza è quella di confrontarmi con quanti possano avere anche loro la passione di scrivere.
Ed eccomi dunque qui.
Passato
aprile 2009
marzo 2009
febbraio 2009
novembre 2008
ottobre 2008
settembre 2008
agosto 2008
luglio 2008
maggio 2008
aprile 2008
marzo 2008
febbraio 2008
gennaio 2008
dicembre 2007
novembre 2007
Categorie
brevi
dolce stil novo
napulitanamente
poesia
romanescando
videopoesia
Bottoni
Partecipano
Commenti
Blog Amici
altramusa
Assilfaro
descrivendo
rossovenexiano
tra le correnti
Le mie Foto
Visite
Hanno visitato il mio Blog *loading* amici.
Grazie!
Vi ricordo che:
su tutti i testi presenti nel blog esercito il pieno diritto d'autore e che essi essendo sempre protetti da copyright non possono mai essere utilizzati a meno di esplicita ed inequivoca autorizzazione da parte mia.
Calendario
Pensieri in movimento
Copyright
Immagini © Google
Template creato da
Distribuito anche da:
I
II
III
IV
V
VI
VII
Disclaimer
Questo blog non rappresenta una testata giornalistica
in quanto viene aggiornato senza alcuna periodicita'.
Non puo' pertanto considerarsi un prodotto editoriale
ai sensi della legge n. 62 del 7 marzo 2001.
Per visualizzare in modo corretto questo Blog
occorre avere una risoluzione di almeno 1024x768.
